ace

22:19 Jan 20, 2010 

As në anglisht nuk do të thotë që vjen nga kuptimi i fjalës "ace" si "Of the highest quality", por nga kuptimi i njëshit, bazës, numrit më të vogël, pra shënim me goditjen e parë. Kështu që le t'i vërvitemi kuptimit nga kjo prejardhje po qe se duam të bashkojmë kuptimin me një fjalë të re.

Shpresoj që ky të ketë qenë ushqim i mjaftueshëm për të ngjallur interesin e kolegëve në "rrëmime" për një fjalë të goditur, pasi po të merrnim rrugën më të lehtë, përkthimi nuk do të ishte profesion, por hobi e masave të gjera :)

Me dashamirësi,
Ledja

22:11 Jan 20, 2010 

Unë pajtohem me Albanën. Kur e pashë për herë të parë këtë futje fjale, kërkova menjëherë se ç'referenca përdorimi ishin dhënë. Dhe referencat ishin...0. Definition from own experience, nga ana tjetër, nënkupton përdorimin në situatë reale, profesionale, të ardhur mundësisht nga përvoja, jo sugjerime kryekëput nga vetja. Tenisi është sport i njohur në Shqipëri dhe përdorimet e fjalëve specifike vijnë nga një qarkullim i gjerë nëpër njerëz të fushës para se të futen në fjalor. Deri tani, faqet e sportit ende vërviten me fjalën "pikë e shënuar drejtpërdrejt nga shërbimi".

Fakti që fjala "as" ekziston e përkthyer, nuk do të thotë që çdo kuptim i "ace" në anglisht duhet t'i përngjitet asit në shqip, pasi me këtë praktikë do të pasuronim shqipen me xhevahire të tilla si puna e të thënit "fant" për Jack - A small ball at which players aim in lawn bowling, dhe "spathi" për Club - A team of professional baseball players who play and travel together. (Ilustrimet i kam për humor, jo për sugjerime :). Asi në kuptimin e njeriut me aftësi të shkëlqyera është drejtëz e kithët me asin e përdorur këtu si lloj pike tenisi. As në anglisht nuk do të thotë që vjen nga kuptimi i fjalës "ace"

18:11 Oct 29, 2009 

Albana,
Nuk do të pajtohesha me azgjë tjetër më shumë se me mendimin tuaj të mëlartëm. E pranoj, e vlerësoj, dhe e respektoj në mënyrën më absolute. Në rastin në fjalë "as" egziston jo vetëm si fjalë e përkthyer në fjalorin anglisht shqip nga ekspertë shumë të mirënjohur në këtë fushe, por egziston edhe në fjalorin shqip-shqip. (As - Njeri i shquar me aftësi të veçanta në një fushë të caktuar) Gjetja e një fjale tjetër do të krijonte më shumë konfuzion.
Bashkohem me ty dhe me të gjithë ata që po punojnë për të ruajtur pastërtinë e gjuhës shqipe.

Sinqerisht,
Klemi

13:32 Oct 29, 2009 

Pershendetje Albana.
Faleminderit per diskutimin se ku ka diversitet mendimesh ka rendiment. Me falni neqoftese kjo nuk eshte faqja ku une te shpreh opinionin tim por desha te them se edhe pse kam vetem dy muaj ne proz.com kam vene re se pjesemarrja ne diskutim dhe ne dhenien e pergigjeve ne gjuhen tone le per te deshiruar (ky eshte opinioni im).
Fjala As nuk eshte e huazuar apo e kopjuar sepse fjalen "Ace" e kane perkthyer As ne fjalorin Anglisht-Shqip perkthyes me me eksperience se ne. Pra, fjala As ekziston ne fjalorin e gjuhes shqipe por sic e shikon ne "definition" qe kam dhene ne sport e perdorim me kuptimin e pikes nga sherbimi. pra, fjala As eshte e perdorur ne nje kontekst te ri.

08:35 Oct 29, 2009 

Mendimi im është se përkthimi "as" është i pranueshëm, por, më duket se ne si përkthyes (punonjës dhe kërkues në lëmin e gjuhës) duhet të jemi veçanërisht të ndjeshëm për sa i përket pasurimit të gjuhës me fjalë me burim nga shqipja dhe të mos prehemi në zgjidhje të lehta siç është huazimi i drejtpërdrejtë i fjalëve të huaja.

Le të mos e bëjmë këtë të fundit rregull (me përjashtim të rasteve të rralla, kur pas kërkimesh të gjata, duket se nuk mund të gjendet një fjalë/shprehje e përputhshme shqipe) n.q.s. duam të japim ndihmesën tonë për pastërtinë e shqipes.

Në këtë frymë unë do të parashtroja përkthimin e "ace" si "pikë (drejtpërdrejt) nga shërbimi".

Ja disa burime elektronike ku përdoret kjo shprehje:

nga faqja e Federatës së Volejbollit të Kosovës
http://www.google.gr/search?client=firefox-a&rls=org.mozilla...
.....Për sa u përket pikëve të fituara nga shërbimi raporti ishte i baraspeshuar.

http://www.tifozatkuqezi.com/sporti-lajme.php?id=2598&kalend...